Марказий телеграф биноси — Тошкентнинг энг чиройли биноларидан бири. У Навоий проспектида қурилган «сталинкалар» ансамблига киради. Меъмор Н. Брюханов лойиҳаси бўйича қурилган. Расмий қурилиш йили 1940-йил ҳисобланади, аммо 1937-йилги маълумотнома китобида Марказий телеграф янги магистрал — Файзулла Хўжаев проспектида (ўша пайтда Навоий кўчаси шундай аталган) жойлашиши айтилган.

80 йил давомида фасад бир неча марта янгилаб: кулранг, беж, пушти бўлган, ҳозир эса оқ дераза ва устунлар билан чиройли сариқ рангда. Меъморчилик сталин даврига хос — ярим устунлар куч ва мустаҳкамлик рамзи бўлган массив портални ушлаб туради.

Ҳозирда бино ҳали ҳам чиройли, аммо панжара билан ўралган, бу унинг кўринишини бироз бузади. Марказий телеграф меҳмонлар учун ёпиқ, чунки телеграф хабарлари аллақачон эскирган; ичкарида алоқа ходимларининг ускуналари жойлашган.