Yakkasaroy tumanida ijtimoiy infratuzilmani yangilash va aholi farovonligini oshirishga qaratilgan ishlar izchil davom etmoqda. Shu doirada tuman hokimi Nilufar Allabergenova 357-sonli davlat maktabgacha ta’lim tashkiloti hududida bo‘ldi.

💠 1964-yilda barpo etilgan, yarim asrdan ziyod vaqt davomida xizmat qilib kelgan ushbu bog‘cha bugungi kun talablariga javob bermay qolgan edi. Ayni paytda eski binolarni buzish ishlari jadal olib borilmoqda.

💠 O‘rganishlar davomida mas’ullar o‘rnida barpo etiladigan mutlaqo yangi, zamonaviy maktabgacha ta’lim muassasasi loyihasi bilan yaqindan tanishdilar. Loyihaga ko‘ra, 720 o‘rinli, ikki qavatli bog‘cha barpo etilib, bolajonlar uchun barcha qulayliklar, zamonaviy o‘quv va tarbiya muhiti yaratiladi.